Dekalog për një lexim të duhur të Bibles

Mons.Mario de Gasperin, biblist ipeshkëv i Kueretaros, Meksike

Dekalog për një lexim të duhur të Bibles        

Bibla ka qënë konsideruar gjithmonë libri i përsosur për një katekizëm të mirë. Leximi i tij i medituar (Lectio Divina), e vjeter sa Kisha, kohët e fundit është rimarrë dhe rekomanduar me këmbëngulje, veçanërisht pas Këshillit të 2008^ës, si mënyra më e përshtatshme për të jetuar dhe kuptuar Fjalen e Zotit.

1.   Nuk duhet të mendojmë se jemi ne të parët që e lexojmë Biblen. Shumë të tjerë, shumë vite përpara nesh e kanë lexuar, medituar,dhe e kanë jetuar e transmetuar. Ata që më mirë se të gjithë kanë ditur të interpretojnë Biblen janë shenjtërit.

2.   Shkrimi është libri i bashkësisë kishtare. Leximi ynë edhe pse bërë në një moment vetmie, nuk mund të jetë kurrë i veçuar. Për ta lexuar me fryt, duhet të vendoset në frymën e madhe kishtare, dhe të udhëhiqemi nga Shpirti i Shenjtë.

3.  Bibla është “Dikush”. Prandaj duhet të lexohet dhe në të njëjtën kohë të celebrohet. Forma më e mirë e leximit biblik është është ajo që ndodh në Liturgji.

4.  Qendra e Shkrimit të Shenjtë është Krishti; prandaj gjithçka duhet të lexohet në vizionin e Krishtit, duke kërkuar në Të realizimin e tij të plotë. Krishti është çelësi që inerpreton në mënyrë të drejtë Shkrimin e Shenjtë.

5.  Nuk duhet të harrohet kurrë se në Bibël gjejmë ngjarje e fraza, vepra dhe fjalë të lidhur shumë ngushtë mes tyre. Fjalët shpallin dhe ndriçojnë faktet; faktet realizojnë dhe konfirmojnë fjalët.

6.  Një mënyrë praktike dhe shumë e dobishme për të lexuar Shkrimin është të fillosh me Ungjijtë, të vazhdosh me Veprat e Apostujve dhe Letrat; në të njëjtën kohë t’i alternosh me disa libra të Beslidhjes së Vjeter: Zanafilla, Dalja, Gjygjtarëve, libri i 1rë dhe 2^të i Samuelit, etj. Nuk është e këshillueshme, psh, të lexosh librin e Levitikut të gjithin menjëherë. Psalmet duhet të jenë libri i lutjes i grupeve biblike. Profetët janë shpirti i Beslidhjes së Vjetër: meritojnë një vëmendje të veçantë.

7.  Duhet të fitojmë Biblen siç ka bërë Jozuehu me Jerihonin: duke i rënë disa herë përreth. Prandaj është e këshillueshme të lexohen vendet paralele. Është një metodë ineresante dhe shumë e dobishme. Një tekst sqaron një tjetër. Siç thoshte shen Agostini: “Beslidhja e Vjetër sqaron të Renë dhe Beslidhja e Re përmbahet në të Vjetren”.

8.  Bibla duhet të lexohet dhe meditohet me të njëjtin shpirt me të cilin është shkruar. Shpirti i Shenjtë është autori kryesor dhe interpretuesi. Duhet ta lusim para se ta lexojmë dhe ta falenderojmë në fund.

9.  Bibla e shenjtë nuk mund të përdoret kurrë për të dënuar sjelljen e dikujt!

10.    Çdo pjesë biblike ka lindur në një kontekst historik të caktuar dhe është shkruar me një lloj stilli letrar. Një faqe Biblike, vendosur jashtë kontekstit të tij historik dhe letrar, është një mënyrë për të manipolosh Fjalen e Zotit. Është të përdoresh padrejtësisht emrin e Zotit!